BAGUIO CITY – Mapapati a nasugatan wenno napapatay ti nasurok lima a kameng ti Communist Terrorist-New Peoples’ Army kalpasan a nakarinnupakda dagiti kameng ti 50th Infantry Battalion, Philippine Army sadiay Brgy Mabaca, Balbalan, Kalinga idi kanikadua.
Segun kenni Lt. Col. Martin S. Daiz Jr., Commander ti 50IB, awan ti napasag iti tropa ti gobyerno ngem mapapati nga adda ti pimmusay kadagiti kameng ti terorista a grupo kas maibasar kadagiti dara a nakitada iti encounter site agramanen dagiti narekober a nangangato ti kalibrena a paltog.
Kinunana a kalpasan ti dua nga oras nga engkwentro ket nakarekoberda iti tallo nga M16 Rifles; maysa nga M653 Rifle; ken maysa nga M14 Rifle.
Naiyusuat metten ti hot pursuit operation kontra kadagiti nakalibas a kalaban.
Naamuan a nakaawat iti impormasyon ti militar mainaig iti presensiya ti armado a grupo a mangipatpatungpal iti panagkikil ken terorismo iti nasao a lugar isut gapuna a nagresponde dagiti soldado ken sadiay a naaddaan dagitoy iti engkwentro.
Kabayatanna, dinayaw ni Maj Gen Paul Talay Atal, Commander ti 5th Infantry Division, ti 50IB gapu iti naballigi a security operations dagitoy iti nasao a lugar.
Ginuyugoy ni Atal dagiti makakanigid a grupo nga agsublida iti gobyerno ken agaplikarda iti Comprehensive Local Integration Program para iti nataltalna a panagbiag dagitoy.
—————— Filipino translation —————-
BAGUIO CITY – Pinaniniwalaang nasugatan o namatay ang higit sa limang kasapi ng Communist Terrorist-New Peoples’ Army matapos makaengkwentro ng mga ito ang mga kasapi ng 50th Infantry Battalion, Philippine Army sa Brgy Mabaca, Balbalan, Kalinga.
Ayon kay Lt. Col. Martin S. Daiz Jr., Commander ng 50IB, walang namatay sa tropa ng pamahalaan pero pinaniniwalaang may namatay sa mga teroristang grupo batay na rin sa dugong nakita nila sa encounter site at sa mga narekober nilang matataas na kalibre ng baril.
Sinabi niya na pagkatapos ng dalawang oras na engkwentro ay nakarekober sila ng tatlong M16 Rifles; isang M653 Rifle; at isang M14 Rifle.
Inilunsad na ang hot pursuit operation laban sa mga nakatakas na kalaban.
Una nang nakatanggap ng impormasyon ang militar kaugnay sa presensiya ng armadong grupo na nagsasagawa umano ng extortion at terorismo sa nasabing lugar kaya agad na nagresponde ang mga sundalo at doon nagkaroon ng engkwentro.
Samantala, pinuri ni Maj Gen Paul Talay Atal, Commander ng 5th Infantry Division, ang 50IB dahil sa matagumpay na security operations ng mga ito sa nasabing lugar.
Hinikayat ni Maj Gen Atal ang mga makakaliwang grupo na magbalik-loob sa gobyerno at mag-apply sila sa Comprehensive Local Integration Program para sa mas tahimik na pamumuhay ng mga ito.
