--Ads--
BAGUIO CITY – Nakastrek iti Top 10 ti February 2017 Medical Technologist Licensure Examination dagiti lima nga estudyante manipud iti dua nga unibersidad ditoy siudad ti Baguio.
Maikadua ni David Marco Abaya Bildan ti Saint Louis University (SLU) a nakagun-od iti 90.60%; maikalima ni Arnold Joseph Octaviano Geronimo ti SLU a nakagun-od ti 89.50%; ken maikapito ni Renz Michael Hart Velasco Bautista ti SLU a nakagun-od ti 89.20%.
Agpada met a maikasangapulo da Glendon Keane Pedro Andam ti University of Baguio ken ni Julie Ann Alcantara De Guzman ti SLU kalpasan a nakagun-odda iti 88.80%.
Kabayatanna, maysa ti SLU kadagiti tallo nga unibersidad a nakailista iti 100% passing rate iti nasao nga examinasyon.
