BAGUIO CITY – Nakastrek iti weigh-in dagiti lima nga Igorot mix-martial artists manipud iti legendary Team Lakay a makibalubal iti ONE: KINGS OF DESTINY sadiay Mall of Asia Arena, Manila inton rabii.
Sigun kenni head coach Mark Sangiao, 101% dagitoy a nakasagana para nasao a laban.
Kinunana a daytoy ti maysa kadagiti ‘most challenging’ a laban ti Team Lakay ngem magagaran latta para iti umadani a laban nangruna ta nainget ti panagsagana ti tunggal fighter nangruna ti main event a ni ONE Lightweight World Champion Eduard “The Landslide” Folayang.
Nalaus met ti panagyamanda iti suporta dagiti kakailyan ken dadduma a supporters ti Team Lakay nangruna ta idi paylaeng kalman ket addan dagiti supporters-da sadiay Manila.
Inton rabii ket idepensa ni Folayang ti titulona kontra kenni top contender Ev Ting ti Kuala Lumpur, Malaysia bayat a lumaban met iti nagduduma a dibisyon da Kevin Belingon, Danny Kingad, Gina Iniong ken ni lightweight veteran Honorio Banario.
