BAGUIO CITY – Nasabidongan ti lima a miembro ti 24th Infantry Battalion ti 7th Infantry Division ti Philippine Army a nakabase sadiay Abra.
Nabigbig dagitoy a da Sgt. Leo Tiwing Lobrino Jr., 39-anyos, residente ti Nueva Ecija; Cpl. Rence Garma Molina, 40-anyos, residente ti Baguio City; Cpl. Peter Conde Dela Cruz, 26-anyos, residente ti Nueva Ecija; Private Kenneth Cuello, 23-anyos, residente ti Nueva Ecija; ken ni Private Aris Trusilla Buensejo, 27-anyos, residente ti Baler, Aurora.
Naamuan a nakaawat ti Bucloc PNP iti report seknan iti nasao nga insidente ti panakasabidong ken dagusda a nagturong iti Bucloc Rural Health Unit.
Naduktalan iti imbestigasyonda a nagsagaba dagiti biktima iti panagsakit iti tiyan, ulo ken panagburis.
Intunda daytoy ti panagsidada iti uong nga inalda sadiay Tinoon, Labaan, Bucloc, Abra.
Agtaltalinaed dagiti biktima iti Bucloc Rural Health Unit para iti kanayonan a panagtaming.
