--Ads--
Inyusuat ni President Ferdinand Marcos Jr. ti 50% manipud iti 20% a diskuento ti plete iti tren para kadagiti senior citizens ken persons with disabilities (PWDs).
Ipektibo ti nasao a diskuento sadiay Metro Manila partikular iti Light Rail Transit Lines 1, 2 ken Metro Rail Transit Line 3 (MRT-3) agingga nga agleppas ti termino ti Presidente.
Kabayatanna, immanamong met ti Department of Social Welfare and Development (DSWD) iti inisyatibo ti gobierno a mangingato iti diskuento.
Mainaig iti dayta, inwaragawag ti nasao nga ahensia a dumanon iti agarup 4 million nga indigent seniors ti umar-awat iti tulong para iti health ken inaldaw a pagkasapulan dagitoy babaen iti Social Pension for Indigent Senior Citizens program ti nasao nga ahensia.
