Inaprubaran ti Sangguniang Bayan ti kidkidawen ti League of Associations ti La Trinidad Vegetable Trading Area, Inc. a maipaayan iti 50% a diskwento ti parking fees dagiti mannalon nga agparada iti La Trinidad Trading Post.
Kasaruno daytoy ti agtultuloy a mapaspasaran a krisis iti petrolyo ken ti nababa a presyo ti nateng a nakaapekto iti sektor ti agrikultura nangruna kadagiti mannalon.
Maibasar iti resolusyon a pinirmaan ti Sangguniang Bayan, ag-epektibo ti 50% a diskwento iti parking fees ita a bulan ti Mayo agingga inton Hunyo ita a tawen ngem mabalin a mailaylayon daytoy depende iti agbalin a sitwasyon.
Mangnamnama ti lokal a gobyerno ti La Trinidad a babaen iti daytoy a resolusyon ket maksayan ti gastos ken parikut dagiti mannalon.//OIC