BAGUIO CITY – Maipasidong iti innem a lawas a training dagiti mannalon sadiay Taloy Sur, Tuba, Benguet tapno mapasayaat ken mapapintas pay ti panagmula ken mapadur-as ti apit dagitoy a nateng ken prutas.
Ti nasao a programa ket babaen iti SM Foundation Inc. (SMFI) kabinnadang da ti Technical Education and Skills Development Authority (TESDA), Department of Agriculture (DA), Department of Social Welfare and Development (DSWD), Philippine Information Agency (PIA), St. Isidore “The Farmer” Learning Center, Inc., Macondray Philippines, Lili of the Valley Organic Farm, SM Markets ken SM Supermalls.
Karaman pay iti nasao a proyekto ti provincial government ti Benguet ken ti Munisipyo ti Tuba tapno naan-anay ti training a maipaay kadagiti mannalon.
Nangipaay ti inspirational message da DA Sec. William Dar, SMFI AVP for Outreach Programs Cristie Angeles, DSWD Sec. Rolando Bautista ken TESDA Sec. Isidro Lapena iti pannakaiyuswat ti nasao a programa.
Ti nasao a foundation ket babaen pay laeng iti pammati ti SM Group of Companies’ corporate social responsibility, babaen kada Henry Sy Sr. ken Felicidad T. Sy, “People Helping People”.