Idagdagadag dagiti senadors manipud iti minority bloc ni President Ferdinand “Bongbong” Marcos Jr. ken dagiti maseknan nga ahensiya a makinegosasyon dagitoy iti legal team ni Senator Ronald “Bato” Dela Rosa para iti “peaceful resolution” iti tengga ti panagregget dagitoy a mangiturong kenkuana iti International Criminal Court (ICC).
Sigun iti joint statement dagiti senador, maawatanda ti tarigagay ti gobierno a mangrisut iti daytoy a pakaseknan babaen iti interes ti linteg ken iti naurnos a wagas.
Patien dagitoy a posible ti natalna a resolusion a mangraem kadagiti linteg ken mangsalaknib iti biag.
Innayon dagitoy a nakasaganada a tumulong para iti nasao a diskusion.
Talken dagitoy a dagiti institusion ket mangitandudo iti linteg, salaknibanna dagiti karbengan, ken maiserbi ti hustisia nga awan ti kasapulan a pannakapukaw ti biag.
Kabayatanna, indeklara ni Interior Secretary Jonvic Remulla ni Dela Rosa nga “armado ken napeggad,” a nangtignay iti departamento a mangidiaya iti P50-milion a gungguna para iti impormasion a mangitunda iti pannakatiliw ti Senador.
