Pimmusay ti agarup 51 ket maysa nga indibidual idiay Gaza Strip gapu iti panangpalpaltog ti Israel bayat nga ikagkagumaanda a mangala ti taraon.
Iti maysa a video a nagwaras iti social media, maimatangan a nagkaiwara ti dinosdosena a bangkay iti kalsada iti Khan Younis, ti abagatan a paset ti Gaza Strip.
Sigun kadagiti nakasaksi, nangpalpaltog ti tangke ti Israel kadagiti rinibribo nga indibidual, a naguummong iti kalsada idiay Khan Younis iti namnama a makaala ti taraon manipod kadagiti truck a napnuan ti tulong.
Sigun kadagiti medics, malaksid iti agarup lima pulo nga indibidual, nadangran pay ti dua gasut a dadduma pay ken agarup duapulo ti kritikal ti kasasaadna.
Dagos met a naiturong dagiti indibidual iti ospital babaen kadagiti civilian cars, rickshaws, ken donkey carts.
Kabayatanna,impakaamo dagiti medics nga agarup sangapulo ket uppat a dadduma pay nga indibidual ti pimmusay iti nagsina a panangpalpaltog ken airstrikes nga impatungpal ti Israel.