BAGUIO CITY- Mapalpalagipan iti publiko a tratoen a nasayaat dagiti amin a taraken nga ayop partikular ti saan a panagparti ti aso iti siudad ti Baguio.
Kasaruno daytoy ti panakakemmeg ti 52-anyos a karpintero gapu iti panaglabsingna iti Republic Act 8485 wenno Animal Welfare Act of 1998 idiay Purok 14A UP Village, Cypress, Irisan, Baguio City.
Maibasar iti inisyal nga imbestigasyon, inreklamo ti Furvent Animal Rescue and Advocacy ti suspek a residente ti Purok 6, Lower Navy Base, Saint Joseph Village, Baguio City gapu iti panagparti-na ti aso.
Nakaawat ti video ti nasao a grupo seknan iti mapaspasamak nga animal cruelty iti nasao a lugar nu sadino dagus met nga inreport dagitoy iti opisina ti maseknan nga otoridad.
Dagus a nagresponde ti kameng ti Irisan Police Station rason ti panakemmeg ti suspek ken panakarekober dagiti sumagmamano nga internal parts ti naparti nga aso.//Bombo Jez Lapizar
