Dumanon iti limapulo ket dua a porsiento wenno agarup 14.4 a milion a pamilia a Pilipino idi Marso ti nangibilang iti bukodda a bagi a nakurapay, maibasar iti resulta ti kaudian a self-rated poverty survey ti Social Weather Stations (SWS) a nairuar idi Sabado.
Ti self-rated poverty kadagiti pamilia a Pilipino ket dumanon iti 63% idi Disiembre 2024, 50% idi Enero, ken 51% idi Pebrero, kas maibasar iti nasao a survey.
Kabayatanna, ti resulta ti survey ket maiparparangarang a 12% ket mangibagbaga nga adda dagitoy iti “borderline, wenno iti linia a nakurapay wenno saan, ken 36% ti mangibagbaga a saanda a nakurapay.
Ti Visayas ti kangatuan ti self-rated poverty iti 62 %, simmaruno ti Mindanao nga addaan iti 60%.
Ti met Luzon a saan a karaman iti Metro Manila ket addaan ti self-rated poverty a 46%, bayat a ti Metro Manila ket addaan iti 41%.
Maimatangan iti survey a ngimmato ti bisin kadagiti self-rated poor families manipud 26.4 a porsiento idi Pebrero 2025 agingga iti 35.6 a porsiento idi Marso 2025.
Ngimmato met ti bisin kadagiti non-poor manipod 16.2 percent idi Pebrero agingga 18.3 percent idi Marso iti agdama a tawen.
Ti self-rated poverty survey ket naisayangkat manipod Marso a kinse agingga baente babaen ti face-to-face interviews nga addaan ti 1,800 registered respondents iti pagilian.
