--Ads--
BAGUIO CITY – Kalpasan ti nainget nga imbestigasyon ken ti naisayangkat a man-hunt operation, nakemmeg ti lalaki a nangrames iti menor-de-edad idiay Barangay Irisan, Baguio City idi May 29.
Nabigbig ti suspek a 53-anyos, city level No. 3 Top Most Wanted Person ken station level No. 2 Top Most Wanted Person.
Natiliw daytoy babaen iti bileg ti warrant of arrest a naiserbi kenkuana nu sadino sumangsango iti kaso a 2 counts of statutory rape.
Maibasar pay iti imbestigasyon, napag-amwan a ti suspek ket live-in partner ti lola ti biktima.
Kabayatanna, agtultuloy ti nainget a programa ti Baguio City Police Office tapno maipasigurado ti seguridad ken kinatalged dagiti agtutubo iti siudad.//Bombo Jez Lapizar
