Lima pulo ket uppat nga Agrarian Reform Beneficiaries (ARBs) manipud iti pito nga ili iti Abra ti nakaawat iti bukodda nga electronic land titles (e-Titles) manipud iti Department of Agrarian Reform (DAR) idi Abril 24, 2025 sadiay Bangued.
Saklawen ti pannakaiwaras ti 73 nga ektaria a daga manipud kadagiti ili ti La Paz, Pilar, San Juan, Tayum, Bangued, Manabo, ken Bucay.
Indauluan daytoy ni DAR-Cordillera Regional Director Samuel S. Solomero ken ti OIC-PARPO II Atty. Mercedes S. Borangan, agraman dagiti dadduma pay nga opisial ti DAR.
Daytoy ti umuna nga opisial a pannakaiwaras ti CLOA iti Abra babaen ti Project SPLIT, a panggepna a mapapigsa ti seguridad ti panagtagikua iti daga dagiti ARB.
Kinuna ni R. D. Solomero a babaen ti e-Titles, ad-adda itan a sigurado dagiti beddeng dagiti daga ti benepisiario.
Kabayatanna, pinagyamanan ni Atty. Borongan ti suporta dagiti Agrarian Reform Beneficiaries ken impanamnamana ti agtultuloy a tulong ti DAR babaen ti panagsanay, panagbiag, ken panangorganisar kadagiti kooperatiba.