Mangrugi a maipatungpal ti maikalima a Montañosa Film Festival inton March 10 nu sadino, adda dagiti maipatungpal a nagduduma nga aktibidad kas iti SineMusiKain,ken ti film festival press conference, ken ti cinema open.
Iti panakaiuman iti Bombo Radyo kenni Mond Sakiwat,Chief Organizer iti Montañosa Film Festival,maipabuya a libre iti publiko tunggal rabii dagiti best of the best films a naaramid para iti nasao a pasken mangrugi inton March 10 agingga April 6 idiay Rose Garden Burnham Park,Baguio City.
Sigun kenni Sakiwat, karaman kadagiti inimbitaranda a mangtingiting kadagiti film entries ti Filipino screewriter a ni Ricky Lee ken ti aktres a ni Cherry Pie Picache.
Pakairamanan daytoy dagiti films iti nagduduma a kategorya kas iti Narrative, Documentary, Mobile Phone, Animation, ken Experimental.
Imbinglay ni Sakiwat a dumar-ay iti Montañosa Film Festival dagiti top 25 a mapilida nu sadino, manipod iti nasao a bilang ket mangpilida metlaeng iti Top 10.
Matingiting dagiti film entries maibasar iti storytelling, cinematography, panagarte dagiti karakter, ken daduma pay
Masapol met a maisumitir dagiti film entries agingga laeng inton February 28, 2025
Kabayatanna,imbinglay ni Sakiwat a nu naballigi ti panakaipatungpal iti 5th Montañosa Film Festival ket puntiryada a sumrek iti international inton umay a tawen.//Bombo Rob Dominguez
