Narekober itan dagiti innem a nauram a bangkay manipud iti Philippine Air Force (PAF) helicopter a nag-crashed sadiay Agusan del Sur idi Tuesday, November 14, 2025.
Sigun iti Armed Forces of the Philippines’ Eastern Mindanao Command, mailinged ti kinasiasino dagiti pimmusay bayat a maur-uray a maipakaammo kadagiti bukod a pamilia ti napasamak nga insidente.
Innayon ti EastMinCom a dagus a naseguro ti natnagan ti nasao a helicopter tapno masigurado ti seguridad ti lugar.
Impaay met ti Philippine Army ti naan-anay a suporta iti PAF iti agtultuloy nga imbestigasion iti napasamak nga insidente.
Maipalagip a mangisaysayangkat ti PAF helicopter ti humanitarian operations para kadagiti komunidad a naapektaran iti Bagyo a Tino idi nag-crashed daytoy iti Loreto, Agusan del Sur.
Immuna a kinuna ti PAF a napukaw ti komunikasionda iti Super Huey helicopter no sadino, nangtignay daytoy iti PAF a dagus a mangipatungpal iti search and rescue operation.
