--Ads--
Nakailista ti Baguio City Police Office(BCPO) iti 6 a kaso iti panagtakaw ita a bulan ti Enero.
Sigun kenni BCPO Public Information Officer PMaj. Marcy Grace Marron, ti nasao a rekord ket dagiti naawatda agingga idi Enero 20.
Innayonna nga adda pay dagiti daduma a kaso a saan a personal a naireport iti istasyon ti kapulisan.
Iti nasao a bilang, dua ti kaso ti salisi, dua ti shoplifting, maysa a qualified theft, ken maysa a kaso iti panagtakaw kadagiti motor vehicle parts and accessories.
Gapu iti dayta, agpalpalagip dagitoy iti publiko nga agridam kontra iti nagduduma a kita iti panagtakaw ken i-secure dagitoy dagiti pagtaenganda nu rumwarda.//Bombo Noveh Organo
