BAGUIO CITY – Nasarakan ti maysa a 6-month old a fetus iti uneg ti maysa a rest room wenno CR ti McDonalds sadiay Middle Session Road, Baguio City idi rabii.
Maibasar iti report, agdaldalus ti maintenance crew ti nasao a fastfood ken nagturong iti comfort room tapnu sukatanna kuma ti trash liner ti garbage bin idi nakitana ti fetus a nabungon ti transparent cellophane ken nakakabil iti orange a cotton bag.
Dagusda nga inreport ti nasao a banag iti pulisya.
Iti met imbestigasyon ti pulisya, posible a naibasura laeng ti nasao a fetus iti nasao a comfort room gaputa nalinis ti cotton bag ken awan ti blood stain a nakita iti nasao a comfort room ken iti mismo a basuraan.
Naiturong ti fetus iti maysa a memorial chapel iti siudad para iti panakaitabon daytoy.
