BAGUIO CITY–Nadangran ti innem nga indibidual kalpasan a naidungpar iti maysa a taxi ti naglugananda a taxi iti deppaar ti Quirino Highway, partikular sadiay Lower Monglo, Bayabas, Sablan, Benguet idi rabii.
Maibasar iti report, dagiti nadangran ket nakalugan iti gray Tamaraw FX nga addaan plaka a TRA 152 nga immaneho ni Davidson Amoy, 18-anyos, mannalon ken residente ti Madaymen, Kibungan, Benguet bayat a ti nadungparna a blue Tamaraw FX nga addaan plaka nga WDU 462 ket tagikua ti maysa a pulis a residente ti Lower Monglo, Baybas, Sablan, Benguet.
Naamuan dagiti pulis a nakaparada ti FX ti nasao a pulis iti igid ti kalsada idi aksidente a nadungpar daytoy ti FX nga imanmaneho ni Amoy.
Sigun iti pulisya, nakaturog ni Amoy bayat ti panangimanehona iti nasao nga FX a nangitunda iti nasao nga aksidente a nagresulta met iti panakadangran ti innem kadagiti sangapulo ket maysa a pasahero daytoy.
Nairaman met ni Amoy kadagiti nadangran ken naitaray iti pagagasan nupay dagus a nakaruar dagitoy.
