--Ads--
Manamnama ti panakarepatriate ti innem a pulo ket tallo a Pilipino sadiay Haiti kagiddan ti mapaspasamak a kinaranggas dagiti gang sadiay Carribean.
Daytoy ket kalpasan ti panag-aprobar ni Department of Foreign Affairs (DFA) Secretary Enrique Manalo iti rekomendasyon a panakaideklara ti Alert Level 3 wenno ti voluntary repatriation kadagiti Pilipino sadiay Haiti.
Sigun kenni Department of Migrant Workers (DMW) officer-in-charge Undersecretary Hans Leo Cacdac, manarimaan ti panagsapolda ti wagas no kasanoda nga irepatriate dagiti Pilipino agsipud ta awan ti byahe a paruar iti nasao a pagilian.
Iti agdama, kinuna ni Cacdac nga awan ti Pilipino a naapektaran ken nadangran iti nasao a security crisis.
