Pimmusay ti maysa a senior citizen bayat a naitaray dagiti uppat nga indibidual iti ospital kalpasan a naidungpar ti bus a nagluganan dagitoy iti picnic grounds ti Camp John Hay, Baguio City pasado alas tres ti malem idi kalman.
Iti insiyal nga impormasyon a naala ti Bombo Radyo Baguio, agpipiknik dagiti biktima manipud Manaoag, Pangasinan idi nadungpar dagitoy ti BCDA electric bus.
Agparparang a sumang-at ti bus iti Scout Hill Road ngem gapu kadagiti saan pay a naammuan a rason, kellaat a nagturong iti kannigid ket nadungparna dagiti biktima.
Iti agdama, agtultuloy paylaeng ti imbestigasyon dagiti otoridad ti nasao nga insidente.
Ti bus driver a nairaman iti daytoy ket addan iti kustodiya dagiti otoridad ken posible a sumango iti kaso a Reckless Imprudence Resulting in Homicide, and Multiple Physical Injuries.//Bombo Noveh Grace Organo
