Kaaduan kadagiti Pilipino nga agbotos para iti Eleksion 2025 ket agtawen ti 18 agingga 44, kas maibasar iti datos.
Immadu iti agarup sangapulo a milion ti bilang dagiti agbotos ti Pilipinas agingga iti 75,940,535 para iti tawen 2025 national ken local midterm elections, manipud 65,745,512 idi tawen 2022.
Iti pakabuklan a bilang iti tawen 2025,maiparparangarang iti datos ti Commission on Elections manipod iti Enero iti agdama a tawen a dumanon iti 69,673,655 dagiti botante a nakarehistro.
Maibasar iti report, buklen iti agarup 63% iti populasyon dagiti Millennials ken Gen Z voters ken 68% kadagiti rehistrado a botante para iti Eleksyon 2025.
Idi tawen 2022, millennials ti agtaltalinaed a kadakkela a grupo a botante, sinaruno ti Gen Z-ers a dumanon iti 16.78 million.
Naobserbaran a ngimmato dagiti botante iti Gen Z-ers manipud 13.11 milion idi 2022 agingga iti 21.87 milion tallo a tawen kalpasanna.
Ti 2025 national and local midterm elections ket maisayangkat inton Mayo a dose iti agdama a tawen.
