Napapatay ti dinosdosena a tattao kalpasan ti uram a napasamak iti maysa a ski resort hotel iti amianan a laud idiay Türkiye ita nga aldaw.
Dagos a pimmanaw dagiti kaaduan a bakasionista iti hotel bayat a mapaspasamak ti uram babaen iti panagpagnada kadagiti tawa ti pasdek tapno makalisida iti gil-ayab ken asuk.
Agarup innem a pulo ket innem nga indibidual ti pimmusay bayat a lima pulo ket maysa ti nadangran, sigun iti Interior Minister ti Turkey a ni Ali Yerlikaya.
Kinuna ti nasao nga opisial a maladingitanda iti napasamak, ken imbinglayna a pinadas pay dagiti “holiday goers” a limmagto iti tawa tapno makalibas.
Iti maysa a video, maimatangan ti agilgilyab nga apuy ken asok iti nasao a pasdek.
Sigun kadagiti nakasaksi, naladaw a nakadanon dagiti ambulansia ken fire trucks ken kaadduan kadagiti tattao ket saanda nga ammo ti aramidenda.
Dinakamat pay ti maysa kadagiti saksi a kaaduan kadagiti tattao ket nakitada a nagsilagto ken awan pay ti makitada a fire-extinguishers iti aglawlaw.
Ti resort ket nalatak a destinasion dagiti agbakbakasion nangruna nu nalam-ek ken bakasion dagiti estudiante, a mangrugi iti Enero agingga iti umuna a lawas ti Pebrero.
Maibasar iti rekord, agarup 234 a guest ti nagtalianed iti hotel, ken agarupp 30 a fire trucks ken 28 nga ambulansia ti naipatulod iti nasao a lugar.
