BAGUIO CITY – Nadangran ti 67-anyos a lalaki kalpasan nga aksidente a bimtak ti luklukatanna a banag bayat nga ar-aramatenna ti power tools idi kalman, Abril 9.
Ti lalaki ket maysa a laborer a residente ti Kalipkip, Banangan, Sablan, Benguet.
Maibasar iti imbestigasyon, padpasen ti lalaki a lukatan ti maysa a metal object bayat nga ar-aramatenna ti power tool idi kellaat a bimtak daytoy.
Nadangran ti kanawan a luppo, tiyan ken rupa ti lalaki.
Dagus met a naitaray daytoy iti pag-agasan babaen kadagiti nagresponde a kameng ti Sablan Municipal Police Station, Bureau of Fire Protection, 911 on call, ken volunteers.
Iti agdama, agpatpataming ti lalaki iti Baguio General Hospital Medical Center.
Kabayatanna, narekober iti lugar ti insidente ti kanayonan a fragments ti 75 mm, ken HE nga awanan ti fuse.//Bombo Jez Lapizar
