BAGUIO CITY – Nabigbig kas 6th placer iti PMA MABALASIK Class of 2019 ni Cadet 1CL Richard Balabag Lonogan, 22-anyos manipod Antadao, Sagada, Mt. Province.
Iti panakiyuman ti Bombo Radyo Baguio kenni Cadet Lonogan, kinunana a nagadal pay daytoy iti Bachelor of Science in Criminology gapu iti arapaapna nga agbalin a pulis.
Nupay kasta, naguyugoy daytoy nga agaplikar ken sumrek iti Philippine Military Academy gapu iti napimpintas a benepisyo para kadagiti agturpos iti akademya.
Kinunana a saan a simken iti panunotna a sumuko kabayatan ti panagtalinaedda iti akamdemya gaputa natibker ti arapaapna nga agturpos iti akademya kasukat ti immuna a kursona.
Innayonna a pinilina nga agserbi iti Philippine Navy gaputa kaaduan kadagiti kakabagianna ti adda iti naval service.