Agpatpataming ti pito a gangannaet pakairamanan ti uppat nga Australians ken maysa nga Amerikano kalpasan a naginum dagitoy iti “cocktails” iti five-star Fiji hotel resort idi kalman.
Sigun kadagiti health ministry ti Fiji, dagos a naiturong dagiti bisita ti hotel iti pag-agasan kalpasan a nagsagaba dagitoy iti panagulaw, panagisbo ken “neurological symptoms.”
Dagiti bisita a naiturong iti pag-agasan ket agtawen ti 18 agingga 55 pakairaman ti 4 nga Australians, maysa nga Amerikano, dua a gangannaet nga agnanaed idiay Fiji a saanen a nadakamat ti nasionalidad dagitoy.
Gapu iti nakaro a kondision dagitoy, naiyakarda idiay Lautoka Hospital, dakdakkel a pag-agasan iti isla ti west coast.
Iti agdama, manarimaan ti imbestigasion dagiti kameng ti Fiji police iti napasamak nga insidente.
