Naideklara kas state of calamity dagiti sumagmamano a lugar iti pagilian gapu iti epekto ti southwest monsoon ken ti immikkat a tropical cyclone Crising.
Karaman kadagiti naipasidong iti State of Calamity ti Quezon City; Cavite; Cebu City; Sebaste, Antique Province; Malasiqui ken Umingan sadiay Pangasinan.
Iti kanito a maideklara ti state of the calamity iti maysa a siudad wenno munisipio, mabalin nga aramatenda ti calamity funds ken ti dagus a panagresponde dagiti lokal a gobierno.
Maipalagip a maysa kadagiti tallo a low pressure areas iti aglawlaw ti Philippine area of responsibility ti nagbalin a tropical depression Dante idi Martes ti malem,July 22, 2025.
Gapu iti dayta, posible a mapasaran ti napigsa a tudo iti Pangasinan, Zambales, Bataan, Cavite, Batangas, Occidental Mindoro, Metro Manila, ken dadduma a paset iti pagilian sigun iti PAGASA.
