Nakemmeg ita nga aldaw ti pito nga indibidual a maatap a “human traffickers” idiay Quezon City.
Daytoy ti kinuna ni National Bureau of Investigation (NBI) Director Jaime Santiago.
Inlawlawag ni Santiago a dagiti nakemmeg ti NBI-Cybercrime Division a suspek ket bayat ti surveillance ken entrapment operation iti condominium.
Kabayatanna, patien ni NBI Cybercrime Division Chief Atty. Jeremy Lotoc a nakipagtinnulong ti Chinese organized crime group (OCG) iti Russia organized crime group (OCG) kadagiti biktima.
Malaksid iti dayta, naispal pay ti nasao nga ahensia dagiti pito a menor de edad a Pilipino nga agtawen ti sangapulo ket tallo agingga sangapulo ket pito, tallo a Russian nationals nga agtawen ti mapatta-patta a tallo pulo ken maysa a Kazakhstan national.
Sigun kenni Santiago, adda ita ti kostidiya dagiti biktima iti Department of Social Welfare and Development (DSWD).
Kinuna ni Lotoc a biktima dagitoy iti “unethical recruitment.”
