BAGUIO CITY – Sumangsango iti kaso nga illegal gambling ti pito nga indibidual kalpasan a naaktoan dagitoy nga agsugsugal iti maysa a balay sadiay New Lucban, siudad ti Baguio idi rabii.
Nabigbig dagitoy a da Gil Basa, 51, vendor; Mary Rose Calingayan Maso, 58, housewife; Leonila Gamad Tantit, 58, caretaker; Geronimo Royol Manio, 59, driver; Robert Fabian Laguya, 59, driver; Arnel Gamboa, 50, negosyante; ken ni Crisanto Gutierrez de Castro, vendor.
Maibasar iti blotter ti pulisya, manarimaan ti panangipatungpal ti intelligence operatives ti Baguio City Police Office Station 7 iti anti-criminality campaign idi naipakaammo kadakuada nga adda ti agsugsugal iti nasao a lugar.
Dagusda a nagturong sadiay ken iti impatungpalda a surveillance ket naaktoanda dagiti suspek nga agsugsugal.
Nakumpiskar kadakuada ti P272 a gambling money, maysa a set ti playing cards ken wooden table.
