Impakaammo ti Department of Social Welfare and Development Office (DSWD) a mabalinen a maisubli iti pamilia, dagiti ubbing a naispal manipud iti panagabuso ti maysa a care facility sadiay Mexico, Pampanga itay nabiit.
Sigun iti mangidadaulo iti pasilidad, 70-80% kadagiti ubbing ti nakitaan iti favorable assessment no sadino, mabalin a marugian ti reintegration dagitoy kadagiti pamiliada babaen iti tulong ti lokal a gobierno.
Agtalinaed paylaeng iti pasilidad dagiti ubbing nga agtawen iti 6 agingga pababa, nangruna dagiti addaan iti kabsat.
Manipud iti 160 a pakabuklan a bilang dagiti ubbing, 136 kadagitoy ti agtalinaed paylaeng iti naiyalisanda a pasilidad.
Kabayatanna, kinuna ni DSWD Secretary Rex Gatchalian a prioridad ti DSWD a tulungan dagiti ubbing a makarekober iti trauma a mapaspasaran dagitoy.
