BAGUIO CITY – Mabigbigbig ti probinsya ti Benguet kas karirisgoan iti panawen ti panagtutudo wenno panagbabagyo.
Maibasar daytoy iti assessment ti Mines and Geosciences Bureau (MGB)-Cordillera.
Iti panakiuman ti Bombo Radyo Baguio, kinuna ni Frankie Cortez, Chief Operation ti Office of Civil Defense a 70% iti aglawlaw ti Benguet ket kritikal iti panaglayos ken panagreggaay gaputa napalawlawan daytoy ti bantay.
Dinakamatna a kadawyan metlaeng a makapaspasar iti panaglayos ken panagreggaay ti Mt. Province, Kalinga ken Ifugao.
Impettengna a saan unay a mapaspasaran ti nasao nga insidente iti Abra ken Apayao malaksid laeng iti panaglayos gapu iti simpa a lokasyon dagitoy.
Nupay kasta, impaganetget ni Cortez nga iwanwanawanda amin dagiti lugar iti Cordillera, kritikal man dagitoy wenno saan.
