Narekober ti otoridad dagiti naabandona a kayo wenno pine lumber idiay Virac, Itogon idi malem ti Agosto 24.
Sigun iti pablaak ti kapulisan ti Itogon, mannarimaan ti road monitoring dagiti otoridad ken barangay officials iti nasao a lugar idi makaawatda iti request manipud iti Community Environment and Natural Resources Office (CENRO) Baguio City seknan iti nadiskobre a naabandona a kayo wenno pine lumber iti nasao a barangay.
Apaman a nakagtengda iti nakasarakan kadagiti kaykayo, nangipatungpal ti CENRO iti on-site inventory iti presensya metlaeng ni Barangay Virac Kagawad Oswald Benbenen.
Pakabuklan a 71 nga assorted size pine lumber nga addaan iti estimated a value a P46,561.50 ti naabandona iti nasao a lugar.
Awan met ti nadanon dagiti otoridad nga indibidual a responsable iti nasao nga aramid.
Naiturnover metten dagiti nasao a kayo idiay CENRO Gibraltar, Baguio City para iti umno a disposisyon kas maitunos iti linteg.
Balligi ti nasao nga operasyon babaen iti Barangay Officials ti Virac, CENRO Baguio City, Lower Agno Watershed and Forest Reserve personnel, ken Itogon MPS personnel.