![](https://img.bomboradyo.com/baguio/2024/07/VP-Sara.jpg)
Inwaragawag ni Vice President Sara Duterte nga inikkat ti Philippine National Police dagiti pito pulo ket lima a pulis a naidesignar a mangipaay koma iti seguridad kenkuana.
Sigun kenni Duterte, nairuar ti bilin ni Marbil idi Lunes, Hulyo 22.
Iti baet daytoy, impanamnama ni Duterte a saan a maapektaran ti trabahona kas bise presidente ti pagilian.
Kinumpirmar met ni PNP Chief Police General Rommel Marbil a kinissayan ti opisinada ti bilang dagiti pulis a mangipaay iti seguridad iti bise presidente.
Nupay kasta, inlawlawag ni Marbil a sanna a kontrol daytoy nu di ket desisyon ti Presidential Security Command.
Impettengna met a kurang ti bilang dagiti pulis iti pagilian nangruna idiay National Capital Region rason a kinissayanda ti security personnel ti bise presidente gapu ta saanda met dagitoy unay a kasapulan.