--Ads--
BAGUIO CITY – Naituding a makipaset dagiti walo a football players ti Baguio City High School iti 2017 Malaysian Borneo Football Cup a maangay inton sumaruno a bulan.
Ti grupo ket bukbuklen da Aeron Christian Tenollar, Shran Dyrick Vicente, Ivann Angelo Silva, Travis Ekid ken Aaron Wallen malaksid pay kadagiti agay-ayam iti Under 13 a da Miguel Rebultan, Harold Rillera ken Juie Peralta.
Sigun kenni coach Aries Bocalan, ibagi dagiti walo ti Dreaming United FC.
Dinakamatna a ti 2017 Malaysian Borneo Football Cup ti maika-10 nga anibersaryo ti torneyo a nagbalin a maysa nga international youth tournament a paspasetan dagiti bunggoy manipud Australia, Indonesia, Thailand, Pilipinas, Hong Kong, India, China ken Malaysia.
