BAGUIO CITY- Naobserbaran a kaadoan kadagiti hotel ken accomodation establishments iti Baguio City ket napunnon.
Kasaruno paylaeng daytoy ti panag-ado ti bilang dagiti turista a simmang-at iti siudad tapno rambakanda to holy week ken summer vaccation.
Sigun kenni Andrew Pinero, Spokesperson ti Hotel and Restaurant Association (HRAB Baguio), siento porsiento nga akupadon dagiti babassit a pagdagusan bayat nga 80%-90% kadagiti dadakkel a pagdagusan iti siudad.
Nupay umdas ti bilang dagiti hotel ken accommodation establishments, kinunana a sumagmamano laengen a kwarto ti mabalin a mang-akomodar kadagiti bisita nga agpaplano pailaeng nga agturong iti siudad
Dinakamatna nga adda dagiti walk-in a saan nga inakomodar dagiti daduma a pagdagusan gaputa napunnon ti kwarto dagitoy.
Inaklon pay ni Pinero nga adda latta dagiti accommodation establishment iti siudad ti saan paylaeng a nagparehistro.
Gapu iti daytoy, iyap-apelana ti panagturong ken panangital-o dagiti bisita kadagiti saan nga akreditado a pagdagusan tapno maguyogoy dagiti agtagikua kadagitoy nga agparehistro.
Bisitaen laeng ti website ti BAGUIO VISITA tapno maamoan dagiti accommodation establishments a nakarehistro iti Department of Tourism ken iti lokal a gobierno ti Baguio City.
Iti kaudian a datus, nasurok 80,000 ti bilang dagiti turista a napalubosan nga agturong iti siudad manipud Abril 8 agingga Abril 17 ngem manamnama pay a manayonan daytoy kadagiti sumarsaruno nga aldaw.
