Dumanon iti 832 a pagadalan ti mangkanselar iti panagrugi ti klaseda ita nga aldaw manipud kadagiti lima a rehiyon, sigun iti kaudian a pakaammo ti Department of Education idi kalman.
Dagitoy a rehiyon ket pakairamanan ti National Capital Region a nakailistaan ti 225 a pagadalan a mangitantan iti panagrugi ti klaseda, Ilocos Region nga 85, Central Luzon nga 453, CALABARZON nga 66, ken Caraga nga uppat a pagadalan.
Dumanon met iti agarup 12, 800 a pagadalan ti naapektaran iti panagdalapos ni bagyo a Carina ken ditoy a naireport a 246 a pagadalan ti nalayos bayat a 425 a pagadalan ti nausar kas evacuation centers.
\Naituding nga inton Agosto singko ti opening class dagiti pagadalan a saan a makarugi ti klaseda ita nga aldaw para iti panagdalosda ken panagtarimaan kadagiti kagawaan ti pagadalan.
