--Ads--
BAGUIO CITY-Kinumpiskar ti nagtipon a puersa dagiti otoridad ti nasurok 840 a kilo ti meat products iti merkado publiko ti siudad ti Baguio itay parbangon.
Nagbinnadang ti City Veterinary Office, dagiti kameng ti Treasury office ti market division ken dagiti kameng ti Baguio City Police Office Station 7 iti nasao nga operasion.
Karaman kadagiti nakumpiskar a produkto ti 46 a karton ti chicken quarter, tallo a karton ti pork liver, karne ti baka ket dadduma pay.
Maibasar iti report, naiturong iti City Veterinary Office dagiti nasao a karne bayat a sumangsango iti nagtutuon a kaso ti negosiante nga akinkukua kadagiti nakumpiskar a tagilako.
