Inrekomendar ni Senator Ronald “Bato” dela Rosa, ti panangbaybay-a kadagiti plano para iti plebisito kalpasan a naduktalan iti Pulse Asia survey a 88% kadagiti Pilipino ti saan a pabor iti Charter change.
Sigun kenni Senator dela Rosa, sayang dagiti mausar a panawen ken kuarta iti plebisito, no adda dagiti negatibo a komento ken singasing maibasar iti resulta ti survey maipapan iti nasao a charter change.
Innayon ti senador nga uray no adda ti posibilidad a mabalin a mabaliwan ti opinion dagiti tattao no agtultuloy dagiti hearing ti plebisito, saan latta a manamnama daytoy.
Malaksid iti dayta, apaman nga agtalinaed ti rating dagiti Pilipino a saan a pabor, maysa daytoy a wagas a pagpanpanunutan dagiti maseknan nga otoridad no ituloyda ti Charter Change, sigun kenni dela Rosa.
