Balligi a naipatungpal ti 8th Ecological Waste Management and Sustainability Fair a naisayangkat sadiay Malcolm Square wenno Peoples Park idi kalman nga addaan panggep a maimanehar dagiti basura iti siudad.
Daytoy a programa ket dinar-ayan da Mayor Benjamin Magalong, Vice Mayor Faustino Olowan, Councilor Betty Lourdes Tabanda, Councilor Jose Molintas ken daduma pay nga opisyales ti nagduduma nga ahensiya iti syudad.
Sigun kenni Mayor Benjamin Magalong, dakkel ti naitulong iti nasao a fair para iti information dissemination maipapan iti panangimanehar iti basura no sadino nasurok 200 a tonelada ti basura a naipaayan iti landfill iti napalabas a tawen, nangatngato no idilig kadagiti napalpalabas a tawen.
Iti sabali a bangir, mangnamnama ni Vice Mayor Faustino Olowan a maangay ti maysa a taripnong tapno mas mapatibker ti nasao a programa kasta met a nagyaman daytoy kadagiti organizers ti Zero Waste Management program.
Mapangpanggep met a maipatungpal ti Ecological Waste Management and Sustainability Fair tunggal bulan manipud iti tunggal kwarter a panakaipatungpalna.
