BAGUIO CITY – Marambakanen ti maikawalo nga Ibaloy day inton Pebrero 22 agingga 23 iti Ibaloy Heritage Garden sadiay Burnham Park, siudad ti Baguio.
Ti nasao a selebrasyon ket naisagana babaen iti nagtipon a puwersa ti lokal a gobyerno ti Baguio ken ti Onjon ni Ivadoy Inc.
Sumagmamano kadagiti aktibidad a maipatungpal iti umuna nga aldaw ket ti panangipakita dagiti Ibaloy iti talento dagitoy ken ti panangipatungpalda iti ritwal.
Malaksid iti daytoy, maaddaanda metlaeng iti ‘exhibit’ ken presentasyon kadagiti nadumaduma a kultura dagiti Ibaloy.
Kabayatanna, iti maudi nga aldaw ti selebrasyon dagitoy ket mangipatungpalda iti ‘dawit’ wenno maysa a seremonya dagiti Ibaloy, a sarunoen ti panagparada dagitoy manipud Baguio Convention Center agingga iti Ibaloy Heritage Garden.
