--Ads--
BAGUIO CITY – Nadangran ti siam nga indibidual iti napasamak a vehicular traffic accident sadiay Tombstone, Virac, Itogon, Benguet idi Sabado, April 13.
Naaksidente ti maysa a jeepney nga agturong sadiay Acupan ken nabigbig ti driver daytoy a ni Wilson Guay.
Maibasar iti blotter ti pulisya, liklikan kuma ti nasao a jeep ti motorsiklo a nakaparada iti igid ti kalsada idi aksidente a naawanan ti kontrol ti driver iti manibela.
Nangitunda daytoy iti panakatumba ti jeep iti igid ti kalsada a nagresulta iti minor injury iti uppat nga adulto ken uppat a menor de edad a pasahero, pakairamanan ti driver.
Dagus met a naiturung dagiti biktima iti pagagasan para iti panakataming dagitoy.
