Agarup 93,600 manipud iti 1.3 million a households ti manamnama a maikkat iti listaan ti Pantawid Pamilyang Pilipino Program (4Ps).
Sigun kenni DSWD spokesperson Assistant Secretary Romel Lopez, nakumpirmar a saanen a nakurapay dagitoy rason a saandan a kwalipikado iti nasao a programa.
Ti 4Ps ket maysa nga anti-poverty program a mangipapaay ti binulan a cash assistance para iti salun-at, edukasyon ken taraon dagiti poorest of the poor households.
Dumanon iti P115 billion ti inlatang ti DSWD para iti 4PS program inton umay a tawen.
Iti sidong ti linteg, maikkat ti maysa a benepisyaryo iti listaan nu nakaturposen ti buridek nga anakna iti senior high school, nu tuloy-tuloy ti panagnumarna iti nasao a programa iti pito a tawen, nu naaramatna ti cash assistance iti iligal nga aramid, nu boluntaryo nga ag-ikkat daytoy ken nu mapaneknekan iti ebalwasyon a saan daytoy a nakurapay.
Immunan a dinakamat ni DSWD Secretary Tulfo nga adda ti 1.3 million a households a nakategorya a saanen a nakurapay.
Nupay kasta, manarimaan paylaeng ti panangberipikar ti ahensiya kadagiti 600,000 a benepisyaryo.
