--Ads--
BAGUIO CITY – Manamnama nga agdiretso iti pagbaludan ti maysa a lalaki manipud iti ospital kalpasan a nakumpiskaran iti maysa a sachet ti dried marijuana leaves idi kanikadua.
Nabigbig daytoy a ni Angel Tuzon Jr., 23-anyos, merchandiser ken residente ti Aurora Hill ditoy siudad ti Baguio.
Maibasar iti report ti pulisya, naitaray ni Tuzon iti ospital kalpasan a nairaman iti aksidente sadiay Rimando Road.
Kinapkapan daytoy ti gwardiya ti Baguio General Hospital and Medical Center tapnu kitaen nu addaan daytoy iti identification card.
Nupay kasta, naalana iti bulsa ni Tuzon ti nasao a kontrabando pakairamanan ti maysa a lighter.
Sumangsango daytoy iti kaso a panaglabsing iti Comprehensive Dangerous Drugs Act of 2002.
