BAGUIO CITY–Nakemmeg ti walo nga indibidual iti dua nga anti-illegal gambling operation nga insayangkat dagiti pulis ti siudad ti Baguio idi kalman.
Immuna a naisayangkat ti operasyon iti basketball court sadiay Ambuklao Road, Pacdal Barangay ken ditoy a nakemmeg da Ramil Pornelos, 42-anyos, vendor ken residente ti Gibraltar Barangay; ni Jose Hara, 41-anyos, self-employed ken residente ti Pacdal Barangay ken ti tallo a lalaki a menor de edad a kakadua dagitoy.
Naala manipud kadagitoy ti uppat pidaso ti P100 a pusta dagitoy ken dua a barya nga inaramat da a naggay-ayam ti cara y cruz.
Nakemmeg pay ti tallo a construction worker gapu metlaeng iti panagsugal dagitoy saiday Lualhati Barangay.
Nabigbig dagitoy a da Mark Navidad Jose, 19-anyos, tubo ti Dupax Del Norte, Nueva Vizcaya; Arjay Lureta, 21-anyos, tubo ti San Vicente Pangasinan; Mario Pagador, 51-anyos, tubo ti Bauang, La Union ken ken agpapada nga stay-in construction worker iti nasao a lugar.
Nakumpiskar manipud kadakuada ti 52 a pidaso ti baraha ken nasurok P1,200 a pusta.
Sigun kenni PSI Julius Basinga, commander ti Station 3 ti Baguio City Police, naka- awatda ti impormasyon seknan iti panagsugal iti maysa a construction site iti nasao a disso ken iti panagrespondeda ket nakemmeg dagiti nasao nga agsugsugal
