BAGUIO CITY – Agtultuloy ti panagpaimbag ti OFWs manipud Manabo, Abra a kaunaan a kaso ti positibo a COVID-19 nga ita ket naka-admit sadiay La Union.
Kabayatanna, dumanonen iti 17 ti Persons Under Investigations sadiay Abra bayat a 511 ti Persons Under Monitoring.
Inlawlawag ni Abra Provincial Health Officer Maria Cristina Cabrera a ngimmato ti bilang dagiti Persons Under Monitoring sadiay gaputa amin a sumangpet sadiay a nagtaud kadagiti lugar nga addaan kumpirmado a kaso ti COVID-19 kas iti Metro Manila ket maibilang a Person Under Monitoring.
Kabayatanna, iti sidong ti Health Services Program ti Red Cross – Abra ket naiwaras ti 230 a pidaso ti improvised faceshield kadagiti frontliners ken kadagiti umili.
Paset daytoy ti addang a maproteksionan ti publiko kontra iti COVID-19.
Inkari pay ti Red Cross – Abra nga ituloyda ti agaramid iti nasao a protective equipment para kadagiti agkasapulan.
