--Ads--
BAGUIO CITY – Umap-apela manen ti Philippine Red Cross (PRC) – Baguio City Chapter kadagiti naayat a mangidonar ti dara.
Sigun kenni Jennelyn Terre, medical technologist ti PRC-Baguio, bassiten ti suplay ti dara iti blood bank dagitoy.
Imbingayna a makaaw-awat ti Red Cross iti adu a kiddaw para iti sibubukel a dara, platelets, plasma ken dadduma pay ngem saanda a maikkan amin gapu iti kinakurang ti suplay ti dara.
Dinakamatna a panagtutudo manen isut gapuna nga umad-ado manen ti kaso ti dengue infection.
Al-allukuyenna dagiti walk-in blood donors iti panagturong dagitoy iti opisina ti PRC-Baguio gaputa silulukatda met iti 24-oras ken mabalin a sukunen ken itulodda dagiti kayatna ti agdonar ti dara.
