BAGUIO CITY – Nabigbig dagiti 10 nga Outstanding Punong Barangays iti Baguio City babaen iti maysa a resolusyon ti lokal a gobierno ken programa ti Rotary Club of Metro Baguio, Liga ng mga Barangay ken dadduma pay.
Nadakamat dagiti criteria ti panakapili dagitoy a kapitan kas iti livelihood projects, anti-drug campaign, linak ken kapia, women protection programs, panakaipasdek iti human rights action center health and sanitation, annual budget ken development plan ken dadduma pay.
Dagiti barangay nga idaoloan dagitoy a kapitan ket pakairamanan ti Sto. Tomas Proper, Magsaysay Private Road, Upper General Luna, Gabriela Silang, Irisan, MRR-Queen of Peace, DPS Compound, Scout Barrio, Cabinet Hill-Teachers Camp ken Barangay Trancoville.
Napili dagitoy nga awardees kalpasan ti panakaisayangkat ti nagduduma a screening, validation ken interview kadagiti residente iti masakaponda, dagiti kadua da nga opisyal ken dadduma a punong barangay.
Agserbi ti nasao nga pamigbig kas inspirasyon ken panangipakita iti umno a public service dagiti nakatugaw kas kapitan ditoy siudad.
