BAGUIO CITY – Inwarasen ti Department of the Interior and Local Government (DILG) – Kalinga dagiti 60 a contact tracers iti nagduduma a paset ti probinsia ti Kalinga
Maibasar iti report, tumulong dagiti nasao a contact tracers iti agdama a Contact Tracing Teams ti Kalinga.
Manipud iti nasao a bilang, 20 kadagitoy ti naiwaras sadiay Tabuk City, pito sadiay Pinukpuk, sag innem sadiay Tanudan ken Rizal, lima sadiay Balbalan, ken sag uppat sadiay Lubuagan, Pasil ken Tinglayan.
Nadutukan dagiti contact tracers a mangipatungpal iti case interviews, profiling, ken mangisayangkat iti public health risk assessment kadagiti kaso ti COVID-19 .
Agtrabaho dagiti contact tracers aginggat inton Disiembre 31 ti agdama a tawen ket makaawat dagitoy iti P18,784 a binulan a sweldo.
