BAGUIO CITY – Ipalpalagip manen ti Department of Health (DOH)-Cordillera ti panangsustinir dagiti babbai iti napintas a salun-atda ken ti panangiramanda iti breast screening iti regular health agenda dagitoy.
Kagiddan iti daytoy ket imbingay ni Baguio General Hospital and Medical Center oncologist Dr. Mary Gay Buliyat a breast cancer ti numero uno a kanser a matamtaming iti nasao a pagagasan, no sadino, agarup uppat wenno lima ti addaan ti breast cancer manipud kadagiti sangapulo a pasyente nga addaan ti kanser.
Kinunana a malaksid a napeggad ti breast cancer ket maysa daytoy a mangituntunda iti panagsagaba ti pamilya ken ti kagimongan.
Iti baet daytoy, kinunana a mabalin a ma-screen ti breast cancer ken mabalin a maagasan la ketdi nasapa a maduktalan babaen iti regular a clinical evaluation.
