BAGUIO CITY – Inyuswsat ti Technical Education and Skills Development Authority (TESDA) – Cordillera ti libre a Community-Based Training seknan iti Contact Tracing sadiay Kapangan, Benguet a pinasetan ti 15 a trainees.
Sigun kenni TESDA-Benguet Provincial Director Vilma Cabrera, bukbuklen ti siyam a nars, tallo a midwives ken saggaysa a mannursuro, nutritionist ken criminology graduate dagiti trainees.
Apaman a malpas ti panagsanay dagitoy ket makaawatda ti sertipikasyon ken agserbida a Contact Tracers ti Kapangan.
Kinunana a pagkasapulan ita ti panagsanay dagiti contact tracers iti Benguet nangruna ta ngumatngato ti kaso ti COVID-19 iti probinsia tapnu tumulongt dagitoy iti panakalapped ti panagwaras ti napeggad a coronavirus.
Dinakamatna pay a sumarunonto a maisayangkat ti panagsanay iti contact tracing kadagiti nabatbati a munisipyo ti Benguet kadagiti masungad a lawas.
Agpaut ti face-to-face a panagsanay iti walo nga aldaw ken kwalipikado dagiti nagturpos iti medical-related courses ken dagiti nakakompleto iti 10 a tawen iti basic education wenno dagiti addaan ti certificate of completion iti Alternative Learning System ken dagiti community health workers iti munisipyo wenno barangay.
