BAGUIO CITY – Nawaswas ti pammilin para iti dagus a panakaisardeng ti amin nga operasyon ken aktibidad ti panagminas iti masakupan ti Itogon, Benguet.
Sigun kenni Itogon Mayor Victorio Palangdan. daytoy ket gaputa ti panagminas ti maysa kadagiti kangrunaan a pagbibiagan dagiti umili sadiay Itogon.
Kinunana nga impasigurado met dagiti tallo a kompanya ti minas sadiay nga ar-aramidenda dagiti kaskenan nga addang tapno maliklikan ti panagwaras ti COVID-19 iti masakupan dagitoy.
Maipalagip nga iti Executive Order No. 20 nga impaulog ken pinirmaan ni Mayor Palangdan ket naibilin ti panagsardeng ti operasyon ti Benguet Corporation, Itogon-Suyoc Resources Incorporated, Philex Mining Corporation ken amin a kompanya wenno korporasyon ti minas nga addaan operasyon sadiay Itogon.
